【逆權運動】阮民安擔心穿頭少年安全 爆粗鬧阿叻盲撐警
蘋果日報 2019/09/08 16:35
陳百祥阮民安遮打花園逆權運動美領
遮打花園今日有集會，人群下午2時半左右開始流水式步行到美國領事館，阮民安繼續到場參與，還有RubberBand成員泥鯭亦獨自一人出來表態，他們都跟隨大隊步往美國領事館，泥鯭則不接受訪問。記者亦見到葉德嫻，她正準備於12參演舞台劇的，但連日來仍身體力行走上街支持民間運動。
葉德嫻於遮打花園集會隨人群步行到美國領事館，約2時許她現身中環遮打花園人群後，約4時半已返回中環，街上大部分車路都企滿人群，記者於太子大廈遇上她，但她不願停下來接受訪問。講到近日有年輕人被警察打到嚴重受傷，可有心痛？她說：「你話呢？」至於是否緊貼新聞消息，她則謂：「我有睇，但唔知算唔算跟得貼。」之後她不失平時幽默的一面，影相時她問記者：「你可唔可以寫我疑似係你外婆嘅人？」
阮民安在終審法院外接受訪問，途人認得他不斷叫囂、打招呼，也有人大叫口號「沒有國泰，只有民安」，他今天出來請願，希望美國知道香港人對於特首撤回法案不收貨，通過《香港人權及民主法案》可幫到香港人。
對於昨日有示威年輕人被打到頭破血流，阮民安感心痛：「10幾個人打1個，頭都穿但個小朋友眼神仲係堅定唔驚。睇到佢受不公平對待，都擔心佢安全，希望有人知道佢消息可以更新資料。所有香港人都好大決心唔退縮。」
對於陳百祥接受大陸媒體訪問時發表撐警和解放軍宣言「部隊給我們的安心，警察給我們的安全，香港沒有問題。」阮民安亦有看報道：「如果佢話畀到安全，我都想佢睇吓近日啲片段，冇特別裝備嘅年輕人都打到咁，你係咪盲X咗？唔好只睇自己嘅嘢，真相冇得再遮住，不忘持平都唔好講咁多令人咁嬲，唔好再講有利益收錢嗰啲說話，好X侮辱。」
另外，他籌備音樂會讓香港人輕鬆一下，現時他也關注入場觀眾保安問題：「好多人inbox問，我哋都應該會加強保安，同專業人士傾緊，每個人都要Fact Check，唔係手足唔可以入場，可疑嘅人就算買飛我情願退錢，如果大家仲係擔心，我安排巴士接送來回。」
王宗堯今日亦有參加集會促請美國幫忙，對於黃之鋒今日準備離港時在機場被捕、禁出境，王宗堯得知消息也抱不平：「今朝聽到呢個乞人憎嘅消息，冇諗過佢哋會用呢招，本身法庭批咗黃之鋒同周庭，據聞調轉咗佢哋出境日期，所以令佢哋出唔到境。我覺得呢啲都係林鄭嘅手法，表面好似釋出善意，但私下又用陰招，之前佢話面對面傾，但我唔覺得佢真係諗住傾。佢一句話撤回其實好簡單，但喺度拖延，又扮有讓步空間。」五大訴求未得到，他表示仍會抗爭到底：「係，噚晚離開太子，之後睇新聞話夜晚有啲大媽襯冇人拆晒啲花，明人不做暗事。」
至於年輕抗爭者眾，亦有不少過案有輕生念頭，王宗堯跟朋友也想盡力幫忙：「我哋都會盡力幫忙，喺旺角知道有個小朋友情緒有問題有輕生念頭，我哋都齊心過去幫手，其實有好多人都好有心做緊嘢幫手，唔止我哋。」
採訪：王連連
左圖攝影：仇志德/右圖：眾新聞圖片
阮民安今天亦有出來請願，希望美國知道香港真實情況。
有途人認出他，上前握手，亦有人要求合照。
昨日又有示威者被警察拘捕時打到頭破血流，阮民安非常擔心。
人群中亦見RubberBand成員泥鯭。
葉德嫻再次上街。
王宗堯希望林鄭不要再扮有讓步空間。