【更新內容】

今早（6日）多位大師傅均有到場操馬，場面算熱鬧，動態最特別係冠軍騎師莫雷拉，到場獨替一駒操練，咁神心好明顯心中有馬。

至於係邊隻馬獲雷神如此寵幸？咪就係徐雨石馬房嘅「皇龍大將」囉，今早就由莫雷拉親自快跳三段，此駒已報名周日（10日）沙田三班1200米泥地賽事，兼打出王牌報名，加上雷神呢朝特登到場為佢操練，出擊意圖盡在不言中。

人馬上季合作一次即勝，故劍重逢下，又機會再次合作而贏馬，值得留意。