美國女歌手KatyPerry嘅兩場澳門騷已經開鑼，對於早前在台北小巨蛋開騷鬧出風波，先是被台灣歌手吳克羣狂轟遲開騷，而KatyPerry披住騷唱出《Unconditionally》期間，突然拿起台下歌迷揮舞嘅中華民國國旗披上身，仲講：「我好愛你們。這是我第一次來，但不會是最後一次，我承諾會盡快再來。」點知惹來唔少內地網民炮轟，而噚日KatyPerry喺澳門開騷適逢係五一勞動節，海外傳媒都有大事報道佢披中華民國國旗激親強國人一事，加上當時呢part咁啱係以太陽花（向日葵）作為主題，胸前有向日葵嘅Katy連台上咪架及坐椅都係太陽花形狀，此舉被指係明撐台灣嘅太陽花學運喎！
雖然澳門騷冇再亂披旗幟，但仍保留太陽花主題環節，英美傳媒都猜測KatyPerry已被內地例入黑名單。