連詩雅（Shiga）今日喺尖沙嘴出席朱古力品牌活動，佢話踏入新一年好多好事發生，就好似呢個活動咁，Shiga話：「所有朋友都知道我鍾意食朱古力嘅程度係會令人驚，初初入行係不停食，直頭朱古力當晚飯咁，後來先控制一下。」

Shiga又多謝品牌成日都送朱古力俾佢食，而佢每次都急不及待咁食，食完先記得要影相多謝人，最後佢就要打俾經理人問仲有冇，要借俾佢影相。

問到Shiga有冇整過朱古力俾男友食？佢就話：「整俾所有男性友人食就有，讀書嗰時，大約10歲左右，有跟過同學仔一齊整，試過整俾暗戀對象，不過係無下文，因為要有神秘感，唔俾人哋知係邊個，到我讀小六就發覺咁係唔work嘅！」

Shiga話覺得男仔收到禮物冇乜反應，送俾女仔好啲，咁自己都會開心。至於會否喺嚟緊嘅白色情人節，整朱古力送俾男友徐浩？Shiga都話唔會。

精選娛聞，喺晒《娛果》
http://fb.com/appledailyent