前「新聞之花」黃紫盈近排為Ikky App拍攝宣傳片，佢用「盈悠生活」做賣點，佢今次重點係推介中上環好去處，紫盈BB出發帶大家食好西。導演原先安排咗好多外景，偏偏天公不造美，頻頻落雨，臨時轉室內拍攝，紫盈BB去咗好多間高檔餐廳。

紫盈BB到咗其中一間喺上環嘅餐廳，當中佈置有好多街頭藝術，環境特別型，最搶眼係有法國小鮮肉招呼，冧到紫盈BB未飲先醉，佢今日接受《蘋果》電話訪問時話：「嗰個法國intern，真心覺得佢好gentleman。」紫盈BB話喺中上環走景時，尤其自動電梯上，被好多粉絲野生捕獲，佢全部都有求必應咁同大家合照。