【15:00更新】富嘉閣負責人回應。

酒樓燒賣包螺絲！前日（14日）中午約12時，莫太帶同7歲兒子和友人，一行8人，到鰂魚涌嘉里中心富嘉閣吃午餐，並點了炒飯、炒麵及多款點心。

莫太表示，其間兒子夾起燒賣吃，已經咬了一口，只是太大件，於是她拿來剪刀將它剪開，卻發現燒賣內「好似有煙灰喺度」，仔細再看「好似係鐵鈕」，於是召來職員當面查看。一名女職員到來翻開燒賣，發現竟是一粒螺絲！莫說：「好詫異，係螺絲喺豬肉入面」。

女職員給予全單免費及提供免費泊車，要求莫太不要舉報。莫太拍攝存證後，女職員即取走燒賣。莫太問：「你係咪想毀屍滅迹？」對方回答指已經拍照，不會毀證。

「好危險啊！好彩小朋友冇咬到落去，小朋友未必識，咬咗落去，都唔知咩唔舒服。」事件令莫太留有陰影，以後會仔細查看孩子的食物。

不過，莫太其後越想越不對勁，決定致電食環署舉報。食環署人員到場，但由於沒有食物樣本，無化進行化驗。食環署調查後向莫太稱，酒樓負責人解釋，因為攪拌機損壞，懷疑攪拌機的螺絲混在燒賣中，食環署已對酒樓作口頭警告。

富嘉閣負責人李文基表示，攪拌機於上周五故障，隨即由技工維修，但懷疑期間螺絲未上緊，結果在攪肉時鬆脫，混入食材中，酒樓職員已即時向事主道歉及解釋事件，其後再次安排維修。李強調，一向著重衛生，對事件感到無奈。

想睇最新消息？　即時follow【現場－蘋果突發】 fb！ http://fb.com/applecitycrime