當年今日
關於我們

劉浩龍浸浴唔預女友 祖兒晒同千嬅楊怡合照

蘋果日報 2013/06/23 06:00

劉浩龍

劉浩龍(師兄)同王合喜(現名王凱韋),仲有周美欣同彭永琛,佢哋組成兩隊,喺尖沙嘴海濱公園參加「2013香港龍舟嘉年華-名人扒浴缸大賽」,現場仲有個扮嘢大賽,所以班名人嘉賓都有裝扮過,周美欣同彭永琛一隊就扮littletwinstars,海洋公園主席盛智文最搶鏡,將海洋公園有嘅招牌嘢放晒上身。

反而師兄個隊就毫無誠意喇,咩都冇扮過,唔通師兄將所有心思都放晒honey容祖兒身上?日前打風師兄都陪女友撐枱腳,呢排佢哋成日畀狗仔影到一齊拍拖食飯,好鬼浪漫。日前(16號)係佢honey生日,問師兄有冇畀驚喜同送乜禮物?佢話:「唔會講你知。」

因為今日個活動係扒浴缸,比起送乜生日禮物,更加想知佢哋兩個有冇試過一齊浸鴛鴦浴呢?師兄話:「冇喎!自己浸就多。」

講番個比賽,有兩輪賽事,每輪有七隊,師兄個隊拎第六名,中途仲差啲扒到反缸,唔使包尾算係咁,而周美欣個隊就第四名衝線。

另外,祖兒喺微博貼咗張同楊千嬅及楊怡合照,網民紛紛留言話難得影后﹑視后及歌后聚首,祖兒就寫道:「三個女人。」



有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange