【互爆真心話】ERROR新節目要自救 肥仔遭隊友指「牆頭草」
蘋果日報 2020/06/08 18:00
黃夏蕙Error何啟華梁業吳保錡郭嘉駿
（ViuTV圖片）
男團ERROR在去年推出《花姐ERROR遊》系列，他們在節目中接受不同挑戰，例如跑東京鐵塔、食勁辣拉麵、笨豬跳、食昆蟲料理、穿蜜蜂衣等等，令到觀眾睇得好過癮，不過他們曾經笑指：「你哋睇得開心又取笑我哋，其實我哋身心痛苦，搏命做，對個節目又愛又恨，雖然辛苦但帶來好多嘢，唔好開咁密囉。」
ViuTV當然疼愛ERROR，於是早前就開拍全新節目《ERROR自救TV》，以自救演藝生涯為題目，每人都要挑戰和學習新技能，其中梁業（肥仔）要學習跳舞和武打場面，何啟華（阿Dee）要一腳踢執導MV，而吳保錡（保錡）就要負責完成一首新歌的作曲、填詞等等，令ERROR成為新一代宇宙天團！
今晚播出的首集，他們先來一個「真心話」，郭嘉駿（193）認為自己靚仔、擁有模特兒身形等是最大優點，不過惹來阿Dee的反擊：「佢嘅表面就係缺點，佢靚仔所以令佢有好多缺點，如果佢生得樣衰啲嘅話，佢會有好多優點。」肥仔又大爆保錡平時看書，大多是偏向性愛技巧方面；自稱有雲南血統的阿Dee，他聲稱對高山疫是免疫，自嘲「鼻窿大，呼吸快，肺活量真係好High！」至於肥仔讚自己的優點是守時，不過卻遭隊友指他是「牆頭草」。
ERROR更請來黃夏蕙（夏蕙姨）擔任神秘嘉賓，向他們傳授「定格大法」，要令ERROR跳舞技巧大躍進，夏蕙姨早前接受《蘋果》訪問，她坦言與ERROR玩得好開心，覺得自己跟社會沒有脫節，「最初佢哋都驚我NG，好彩我有啲經驗。」而肥仔則說：「夏蕙姨最初都唔識我哋，但玩玩吓大家都好癲，喺佢身上學到好多嘢。」
繼《花姐ERROR遊》後，ERROR再開拍全新節目《ERROR自救TV》。（ViuTV圖片）
《ERROR自救TV》今晚首播。（ViuTV圖片）
黃夏蕙擔任首集嘉賓。（ViuTV圖片）