花旗股市上禮拜五跌鋪勁，噚日港股預咗冇運行，恒指10日線一開市即失守，全日跌401點收市，不過恒指靠近全日高位收市，成交大咗，即係話現水平算有承接。
分析員話匈牙利債務危機係作大，咁花旗股市噚晚會唔會大反彈呢？應該係股民好期望嘅，如果花旗股市反彈，港股應該可以上番10日線水平。
領匯C輪18408：領匯（823）噚日報收19.78元，升0.9%。業績公佈之後股價持續向好，睇走勢好大機會推向21.50元，可以諗吓隻C輪18408。隻輪現價9.9仙，2010年9月20日到期，行使價20元，溢價6.12%，引伸波幅30.9%，有效槓桿率9倍，正股升上21.50元，18408睇18.4仙，有85%上升空間，正股跌穿19.10元就沽咗隻輪。
俊樺