著名意大利失明男高音波伽利（Andrea Bocelli）發生墮馬意外，並整傷頭部，由直升機緊急送院。58歲嘅波伽利噚日於意大利比薩騎馬時墮馬，並立即送入院。不過佢就於Twitter表示自己冇乜事，叫大家唔使擔心：「親愛嘅朋友，我想話俾你聽我感覺良好，呢次只係一個唔太緊要嘅墮馬，擁抱大家。」而佢嘅發言人亦表示佢康復得好好。波伽利雖然失明，但佢熱愛運動，經常會去玩滑浪風帆、滑雪、踩單車、騎馬等。