香港雲集頂級騎師，佢哋騎功好，這天 (23日) 於旺角大球場參加「雷神邀請隊」對「桂神邀請隊」足球賽，球技亦唔錯，有板有眼，但講到射12碼技術就麻麻。法定時間1:1平手後，兩隊共10位騎師互射12碼決勝，史卓豐、郭能、柏寶、梁家俊、雷神、羅理雅、巫顯東共7人唔入，只有李寶利、潘頓、田泰安3人射入，命中率認真欠佳。

這天不少騎師的另一半入場，李寶利女友、「馬場廖碧兒」Kimberley做媽媽後首次公開現身，大晒事業線。而梁家俊的太太阿Kit，大住肚亦到來支持老公。