𠵱家嘅球迷真係幸福,一個星期有兩輪比賽睇,話咁快歐冠盃又嚟喇,周中重頭戲係巴塞隆拿主場對住車路士啦!呢對寃家真係好似梅花間竹咁,一隊贏一年。兩星期前車仔在主場不被看好的情況下,竟然遇到巴塞發波瘟而贏波。
兩周過後,巴塞係國家打吡輸畀皇馬,仲輸夠兩粒,「細哨」繼續唔掂,前鋒又繼續冇伊杜奧,古莊臣仲畀人懷疑係「陳永仁」!睇番車路士,𠵱家手上有9分,出線幾乎冇問題,但對住巴塞呢啲仇人,一定唔會手軟。再賤啲嘅話,大可以先贏巴塞,然後放水畀不來梅,隨時可以打巴塞落地獄。所以話呢場波車仔場內場外,球員心理上都佔有上風!