至於07年挪超冠軍白蘭恩季初表現麻麻,但現已重回勝軌,前鋒大衛尼爾遜又腳風順,今訪奧特格寧蘭,單W可期。另外,哥倫布機員雖然係去屆美職聯總冠軍,但一向慢熱,至今仍未「開齋」,今迎肯薩斯巫師,再博和波。
嫌呢條3串4分頭唔夠?再俾一次冷啲嘅混合過關2串3大家。同哥倫布機員一樣,芝加哥火燄今屆喺美職聯成日和波,對住跌watt嘅新英倫革命,可能又開2:2;不過,由於火燄對賽往賽好,要補火燄贏2:1。至於蘇超榜首大戰格拉斯哥流浪迎些路迪,兩隊近兩次碰頭竟然冇入球,今仗總入球[0球]仲有9倍咁好分㖭!另外,呢場波亦要兼顧蘇超專家牽牛提供嘅總入球[3球]。
文:吾中