當年今日
關於我們

【人妻開胸vs智雯露腿】抱仔突擊check老公 杏兒:係同事想睇BB

蘋果日報 2018/09/27 16:06

Sisley老公黃智雯胡杏兒

胡杏兒、黃智雯、胡蓓蔚三位閨蜜今日在金鐘出席sisley唇彩活動,三位化身pink lady性感現身,胡杏兒真空上陣,穿著開胸西裝褸,大家對佢嘅岌岌可危性感好嘩然,杏兒笑道:「好普通,平時喺屋企都係咁,出場前試過唔同方位,跳同打筋斗都好安全,大家唔使擔心。」
成為人妻仍然開放真空上陣,杏兒話:「唔使同老公講聲,反而要同阿仔講聲,講笑,BB就快一歲,現時好活躍,同佢相處一陣就好似做咗幾個鐘頭運動,佢會好好奇,成日周圍跑,又好鍾意錫人。」
十月頭係杏兒囝囝brendon一歲生日,夫婦正計劃為愛子搞生日會,杏兒呼籲參加嘅朋友唔使送禮物,生日會簡單唔使華麗,大家親朋戚友聚會慶祝。
杏兒近日經常往返內地工作,早前見佢帶埋BB,喺老公Philip辦公室出現,佢解釋:「老公同事都好鍾意BB,想見吓佢。」並否認係突擊探班:「當日係同老公一齊,上到office就坐咗佢個位扮做生意。」
杏兒透露近日在香港大學專業進修學院學法文,因為早前到法國工作,希望日後可以用法文溝通,上堂期間老師問學生做咩職業,杏兒話:「點知有同學幫我代答我係housewife(家庭主婦),啲同學玩我整蠱我,唔想畀老師知道我係藝人,好耐都冇試過呢種校園生活,十幾廿人一齊上堂,要努力考試,有時因為工作錯過咗上堂要自我進修。」
empty
攝影:陳慧安
empty
杏兒今日中門大開露波邊。
empty
黃智雯露腿,胡蓓蔚呢身打扮都算密實。
empty
三女聚頭好好笑容。
empty
智雯呢個角度,唔知會唔會被杏兒吸引住呢?
empty
胡蓓蔚可能都想學杏兒一樣咁中門大開。
empty
empty
empty