由韓國女神宋慧喬孖朴寶劍主演嘅tvN劇《男朋友》現時正熱播中，港迷可於「黃Viu煲劇平台」同步追看。而喺劇中朴寶劍有唔少「撩妹必勝法」，等劇迷有樣學樣，唔使過Lonely Christmas。

朴寶劍喺劇中飾演嘅金振赫以「平凡嘅年下男」姿態，成功擄獲身為酒店代表兼國會議員女兒喬妹嘅芳心，日前官方就分析出「這個男人（金振赫）嘅4大表白方法」，當中包括自然流露嘅開朗笑容、時速200KM嘅直進式表白、紳士十足嘅魅力以及理直氣壯嘅表白。劇迷快啲翻煲頭8集，學下朴寶劍點樣撩女。

另外，韓國某機構就作出調查票選「最想一起度過平安夜嘅明星」，當中朴寶劍憑《男朋友》情深表現成功摘下第一名，第二名至第五位分別係EXO嘅D.O.、防彈少年團（BTS）嘅V、Wanna One嘅姜丹尼爾及丁海寅。而朴寶劍亦趁聖誕佳節向粉絲送上祝福。

精選韓流，喺晒《娛果》
http://fb.com/appledailyent