日本女子組合欅坂46主將平手友梨奈極速走紅，卻因細細個成名換來極大壓力，近月來佢多次因健康狀態而失場，除夕晚於《紅白歌唱大賽》表演時，又因虛脫倒地情況令人擔心，日前佢宣佈因右手腕嘅三頭肌受傷，要一個月方可痊癒，目前佢暫停所有演出工作，專心養傷。

噚晚，平手亮相電台節目，係佢自《紅白》後首度露面，佢包紮住右手上節目，透露右手仍感痛楚，但身體冇大礙，平手又指右手受傷終於不便，希望早日痊癒，現場佢又挑戰用左手寫書法，有別平日喺台上木無表情，佢於節目上不時展露笑容，精神唔錯。

精選娛聞，喺晒《娛果》
http://fb.com/appledailyent