今日許廷鏗就喺fb貼咗一張驚人七人大合照，原來佢係約咗三個大肚婆謝安琪(Kay)、吳若希(Jinny)同化妝師朋友，而Kay BB今日就回覆咗《蘋果》話：「總之好難得，我哋兩個同廷鏗都係同一個化妝師，覺得呢件事好有緣份，好有紀念價值好難得，我哋就任性少少，個肚籮咁大都出嚟食餐飯。」( 新聞連結： http://bit.ly/2nmsuaK )。

唔知係咪呢次飯局嘅焦點集中咗喺Kay BB身上呢，咁身在澳門嘅Jinny BB就喺晚上，放咗一張肚肚相，佢留言話：「關於大肚相點解唔見肚~~ 我想還攝影師一個清白！曾幾何時史迪仔話送個星球俾我~應該就係呢個！」咁睇落史迪仔送俾Jinny嘅星球又的確好大喎！

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。