正在舉行嘅電視劇界盛事艾美獎頒獎禮，最佳戲劇類影集男主角竟然由《This is Us》Sterling K Brown奪得！而大熱嘅殿堂級影帝安東尼鶴健士（Anthony Hopkins）同《紙牌屋》（House of Cards）奇雲史帕西（Kevin Spacey）大熱倒灶！黑人男星Sterling K Brown上台致詞時非常感動，仲話演戲係佢細細個嘅夢想。不過台上就發生尷尬時刻，佢未致詞完就響起音樂被催落台，佢就似乎有少少不滿，企喺度想講埋，最後都被音樂聲蓋過。媒體《The Guardian》就指明明妮歌潔曼得獎有好多時間致詞！