日本成人雜誌《週刊Playboy》最近喺新宿歌舞伎町開咗間公式酒場，雖然係一年期間限定，但裝修同食物一啲都冇揸流攤，每日都有水着偶像駐場擔任媽媽生，更會定期有性感女星到場助陣，吸引唔少男士到場體驗呢個「酒池肉林」。

21歲日本巨胸女星馬場富美加，唔止靠身材吸引男fans支持，佢仲成為時裝雜誌《non-no》專屬模特兒，佢下星期就快滿22歲，噚晚佢就現身「週刊Playboy酒場」，舉行簽名會滿足食客，佢仲遇到擔任客席店員嘅川崎彩，二人更喺馬場富美加水着肖像前合照留念。