周日（23日）沙田日馬編跑十場，全草地賽用A加3跑道角逐，出馬未見踴躍，有五場唔滿額，另外有六匹初出自購馬或PPG參與，又係混亂之局。幾個近期有好成績馬房，大摩及羅富全之參賽馬實力甚強，有機會增添進帳。騎師方面，潘頓及郭能繼續停賽，沈拿則傷癒復出。

當中第六場四班1200米，「老友威威」落四班即加強操練，落草地拍跳考驗，全程主動帶放，末段也頂住對手衝刺。此駒季初跑三班同程僅負於「開心神駒」，七歲馬實力未減退，有機會吼準贏番仗。

「老友記」上仗賽前泥閘已試得好，跑場谷草落敗，返田草1200米博變身，係最佳冷腳。「贏多多」有質續進步。「弛曜風」排位朝（20日）助手先操，然後莫雷拉草地教閘，動態不尋常。