「我覺得個阿伯真係好慘囉，其實佢都唔想撞到人！」下午5時許，讀者蕭小姐乘新巴2X由銅鑼灣往筲箕灣，其間巴士駛至維園對開巴士站埋站上落客，此時一名老翁攜同妻子及約4歲的孫兒上車，「個阿伯拎住好多嘢，見到下層靠窗口位有位坐，於是就叫坐喺出面嘅著藍色衫男人讓一讓」，藍衫男僅微微側身並縮起膝頭讓老翁經過。

當老翁想跨過藍衫男時，巴士突然急煞令他失平衡，被撞到的藍衫男隨即破口大罵：「你唔係搏懵呀嘛？你而家撞埋嚟仲唔係搏懵？」，老翁雖然向對方立即解釋，但對方仍不滿意，未幾雙方發生口角，「鬧咗一陣，無幾耐個藍衫男就突然郁手，打落去阿伯條頸同個頭度」。老翁頭部隨即流血，上衣滿佈鮮血，他亦不甘示弱向藍衫男反擊，在場的乘客見狀，立即將二人分開，又有人大叫「唔好打喇，阿伯嚟㗎」，場面一度混亂。未幾，警方到場調查拘捕該名54歲藍衫男子，而受傷的69歲老翁頸、胸、手及腳受傷，亦由救護車送往醫院接受治理，警方將案件列襲擊致造成實際身體傷害，交由東區警區刑事調查隊第五隊跟進。

蕭小姐認為藍衫男見到老翁手持多袋物件時，可以移動至旁邊的靠窗位置，讓老翁可以安坐近走廊位置，「佢（藍衫男）唔想俾人撞到，其實佢可以坐入去，阿伯坐出面咪得囉，阿伯手腳唔敏捷，架巴士突然停低，你俾人撞到吓唔使咁嬲囉」。

你敢爆，我敢獎！ 即Call《蘋果》24小時爆相爆片熱線 ：63836568