當年今日
關於我們
Serrini想十年內開「樹妮妮場館」 學月餅會供飛做最大炒家
蘋果日報 2021/06/05 19:27
梁嘉茵
Serrini
樹妮妮場館
SERRINI “I’M (NOT) FINE, THX.” LIVE 2021
Your browser does not support the video tag.
唱作人Serrini(梁嘉茵)今個月底將舉行首個九展演唱會「SERRINI “I’M (NOT) FINE, THX.” LIVE 2021」,
上月Serrini曾以「考試」方式讓歌迷有機會優先買飛。
演唱會part 2前日公開售票即日售罄,Serrini不斷提醒歌迷不要買黃牛,「黃牛嘅人、詐騙嘅人、高價接貨嘅人,係唔deserve to see me.」、「買醜牛菲就好似攞緊老翻手袋出街咁」。Serrini昨晚開post表示發現有優先買飛的「考生」在網上加價轉手賣飛,已經立刻取消了考生的優先飛,今早Serrini再開post,指上網見到有黃牛賣飛,已記低多個黃牛座位,準備在演唱會時公開恥辱買黃牛飛的歌迷,並再次呼籲不要買黃飛牛。
今次演唱會是上次的part 2,Serrini今日在銅鑼灣出席活動時說正努力籌備當中:「原本我都諗住同上次差唔多,不過我哋嘅團隊好多嘢想做,所以當係2.0啦,主要係想畀上次買唔到飛,或者上次睇online睇唔到現場嘅人睇。」Serrini指售票情況理想:「好似已經賣晒,我自己都想買返啲飛畀朋友睇。大家記得支持本地音樂,唔好買黃牛,我哋好多bands都係咁諗,而家好多飛都畀唔係想睇騷嘅人買咗。」
Serrini坦言有兩大目標,希望三年內有個人音樂劇,十年內有自己命名的場地:「我想起個樹妮妮場館,大家每季考試先買到飛,或者好似供月餅會咁供張飛。我係最大炒家,個價我定,大家買炒價。」至於下一步是否到紅館開騷?她希望在不同場地開騷,8月將與風車草劇團演出音樂劇:「希望各位劇評人入場可以嚴厲啲,畀意見我呢位劇壇新人。」
Serrini今日在銅鑼灣出席活動。
月底將舉行首個九展演唱會,她說售票情況理想,又想回購部份飛送給朋友。
Serrini重申不要買黃牛。
Serrini講笑想在十年內有自己命名的表演場地,到時可以學月餅會供飛。
上月曾以「考試」換取優先購票,她昨日說發現有「考生」做以炒價賣飛。
今朝又指已記錄低部份黃牛飛位,到時會公開羞辱。
-----------------------------
蘋果App大升級 更簡潔更就手!
了解更多
(
立即下載體驗
)