人氣韓劇《她很漂亮》聽日就大結局，唔少粉絲都話唔捨得劇集咁快完，而身為男主角兼劇集中飾演《TheMost》時尚雜誌嘅副編輯一角而人氣急升嘅朴瑞俊，之前佢喺節目內曾承諾如果收視上升嘅話就會同粉絲一齊影時尚寫真。

而日前朴瑞俊就遵守承諾帶住多名粉絲現身攝影棚，並以「和朴瑞俊所珍惜嘅她們共度假日派對」為主題拍攝，佢哋整齊以派對Look進行拍攝，其他粉絲見到都大呼「好葡萄」，亦都好想成為一份子同偶像親近。

另外，朴瑞俊嘅同公司嘅金秀賢近日就為代言嘅服裝品牌拍攝新一輯廣告相，演繹冬季男裝。