12位準港姐完成美國邁阿密和加勒比海外景後，已於前晚返港，憑33C上圍出位的4號高海寧封胸落機，再坐機鐵轉的士返回何文田寓所，與她餅印一樣的媽咪親自迎接，粉碎她住旺角唐樓的傳言。8號姚婷芝昨日則相約友人食飯逛街，但其精神仍在海外，全程魂遊四海。

應屆12位準港姐完成美國邁阿密和加勒比海的12天之旅後，前晚返抵香港時均倦容滿面，在外景期間屢穿比堅尼大晒33C、24、36魔鬼身材的大熱佳麗4號高海寧，落機時戴墨鏡遮殘樣，身穿運動服兼圍頸巾，由頭包到落腳，逕自拖着一大車行李，偕同另一佳麗坐機鐵離開。
高海寧坐機鐵時不停打電話及發短訊向親友報平安，其後她發現記者，即表示已買手信送贈母親，她說：「我買咗香水送畀媽咪，但我冇話畀佢聽，諗住畀驚喜佢。」抵九龍站時，高海寧落車，但她不識路，向車站職員查詢如何去奧運站，豈料其八達通車票不夠錢，無法出閘，結果她又拖着行李返櫃台增值。大抵是她行來行去太過疲累，最後轉乘的士返回何文田民運街的寓所。
連日曝光率甚高的高海寧也被的士司機認出，見她下車時還應司機要求簽名，同一時間，高媽媽步出寓所，親接女兒上樓。早前有消息指高海寧住旺角唐樓，今次高媽媽在何文田住所現身，正好以行動闢謠。

8號姚婷芝遊魂

一眾港姐昨日休息一天，暫停集訓，另一風頭躉兼飛車手8號姚婷芝即相約女友人外出消遣，她下午離開沙田香閨時似未瞓醒，素顏上陣的她五官模糊，駕車時又矇矇矓矓，左兜右兜漫無目的。姚婷芝先到新城市廣場一寵物店放低愛犬扮靚，再去又一城Agn囗sb內的餐廳，會合女友人吃飯，嘆咖啡食意粉，繼而在商場無聊蹓躂。
採訪、攝影：娛樂突發組

各位讀者如果認識十二位入圍港姐，知道她們的底細，歡迎電郵mailto:[email protected]報料。