三位新鮮出爐嘅2017香港小姐，喺比賽結束後，冠軍5號雷莊𠒇、亞軍1號何依婷同季軍4號黃瑋琦一齊接受訪問，冠軍雷莊𠒇話好開心，攞到冠軍真係一個surprise，佢話﹕「其實嘟姐(鄭裕玲)投票前，我已經覺得贏咗，因為入到三級(甲)已經好開心。」得獎後見到父母，雷莊𠒇話又忍唔住爆喊，佢話﹕「剛才我一分鐘嘅感言，都係好感恩，希望成為佢哋驕傲嘅女。」

再問佢o依家最想做啲乜？佢笑笑口話﹕「知道之後會好忙，希望瞓到覺啦，有時間要約大家去食buffet。」咁講，應該為咗港姐競選捱咗好耐肚餓喇！

而亞軍何依婷雖然同冠軍爭得好激烈，佢話﹕「我今晚都滿意自己表現，冠軍表現得好好，佢係實至名歸。」而季軍就話聽日會同屋企人一齊慶祝。