當年今日
關於我們

【鳩嗚乜乜乜】諗聖誕禮物好頭痕送椰子油都得?

蘋果日報 2015/12/11 06:00

按摩鳩嗚乜乜乜有機椰子油聖誕送禮

聖誕越近,天氣就越冷,都要塗番啲潤膚品,防止爆擦,費清身邊唔少朋友,突然間鍾意用椰子油塗臉護膚,話不含化學成份,天然又健康。吓,椰油唔係用嚟煮餸既咩。費清上網搜索一輪,椰子油果然可以外敷內服。椰子油達人媽媽Diane一家三口都用椰子油煮食、護膚同衞生護理。

費清當然搵Diane請教,Diane話用上椰子油,女兒出世後,為咗囡囡健康,不斷搵各種有機天然產品;最後選咗椰子油,含有抗炎、抗菌、抗氧化同保濕的特性,女兒曾患手足口病,口腔生滿瘡,用咗椰子油塗女兒患處,紓緩痛楚,全家就開始用椰子油。

最近更有有機冷壓初榨椰子油引入香港,Diane話外敷可以保濕,修護肌膚,用嚟做按摩精油都得,又可以紓緩傷口等。如果生痱滋,用椰子油漱口,就會好快好番;有啲人怕椰子油味道,可以選經輕微蒸煮帶走味既Free有機無味精煉椰子油,仲適合煮食用。椰子油又可以用嚟做手工香皂,適合任何皮膚,不含防腐劑等,BB都啱用。

Diane又話,成棵椰子樹都好有用,椰子花製成椰子花蜜糖漿,配煎餅餅食,椰子花分泌出汁液,製成椰子醋,飲用可促進腸道健康;結合不同材料等經海鹽天然酵,製成椰汁氨基汁、燒烤氨基汁、日式照燒氨基汁,可用喺沙律、醬汁等。大家有興趣上 http://coconutmatter.com/shop/ 網站睇睇。

費清仲上咗堂課,即試用有機冷壓初榨椰子油,晚上塗完,有清清椰香,皮膚滑滑,一覺睡到大天光。聖誕節與其買啲唔等使禮物,不如買啲健康椰子油畀身邊人仲窩心,再提供埋椰油按摩服務,夠溫馨。