當年今日
關於我們

【酬勞畀晒老婆】王敏德嘆社會氣氛影響經濟 大家要繼續向前看

蘋果日報 2019/09/10 20:21

馬詩慧王敏德王麗嘉

王敏德最近與英國一腕錶品牌合作,推出特別版腕錶,今晚在中環舉行記者,太太馬詩慧和女兒王麗嘉亦有到場支持。合照時,馬詩慧與王麗嘉應記者要求向王敏德獻吻,冧到王敏德即錫番女兒一啖,搞到太太有點呷醋,王敏德立即補鑊向太太送吻。
問到馬詩慧有否向老公給予意見?她說:「冇,佢不嬲都唔問我,啱啱你哋睇唔到玄機咩?我喺兩個女同個仔之下!」王敏德笑說:「我同意!」王敏德指今次設計這款腕錶,很想加入中國特色,「我咁多年都飾演飛虎,又係機師,我好proud of呢樣嘢,睇錶面好似好簡單,但當中有多層意義。」會否將酬勞給太太?王敏德即說:「我乜都畀晒佢,我幫佢工作,睇我個樣咁辛苦就知啦!」
對於現時社會氣氛不好,會否擔心影響銷量?他說:「我都有睇新聞,的確係會影經濟,但我哋都要繼續向前看,香港人要開心。」他又再次重複一遍,身旁的王麗嘉笑了一笑,王敏德笑問女兒:「你笑乜嘢?老人家梗係不停咁重複㗎啦!」
採訪:黃曉妍
攝影:陳慧安
-----------------------------
【撐學生】
召集有心人 撐學生全年睇《蘋果》
立即按此
empty
馬詩慧與王麗嘉應記者要求向王敏德獻吻。
empty
王敏德指今次設計這款腕錶,很想加入中國特色。