嗱,華華唔係擦鞋,噚日喺業績記者會上面,成棚高層都係飲酒店提供嘅法國老字號Evian樽裝水,偏偏鄭志剛獨樹一幟,飲嘅係另一個牌子VOSS。
呢支水來頭一啲都唔嘢小,VOSS母公司喺挪威將成個水源範圍買晒,啲水俾萬年冰層覆蓋,可以講係未經污染。
零污染不特止,仲好矜貴,喺香港唔係隨便買到,只有少數酒店有供應,好似太子酒店裏面嘅BubblesBar就有得飲,據講賣成50蚊支。
唔怪之得鄭志剛雖然趕住走,都要擸埋支VOSS。除咗鄭少,VOSS仲有好多名人捧場,聽講Madonna同BritneySpears都係粉絲。