前任特首辦主任林煥光今日五十四歲生日,八方首先祝佢身體健康,身心愉快。如冇意外,WK(林生嘅英文名縮寫)今日會現身於AO歡送老董晚會,到時班AO應該可以畀佢一個驚喜,喺送別老董之餘,為佢慶祝埋牛一。
八方聽聞,WK喺班舊同袍心目中,係一個政務主任嘅最佳典範,佢不但平易近人,從不擺款,亦事事為人着想,好似當年佢做公務員阿頭,就成日掛住啲叻同事,好似羅范椒芬等嘅升職問題,甚至連自己個位都可以讓畀人做;至於對上司,WK就更冇得頂,肯定係第一種忠誠,如果唔係感情問題,佢一定有排做官。
雖然人走咗,班AO都好掛住WK,有人重話,如果佢重喺特首辦,煲呔就更無敵,呢個世界好難講,或者新的特首會再搵佢幫手呢?邊個知。
陳太、煲呔等猛人今晚都會出席歡送會,老董肯雙手奉送番個江山畀班公僕,於禮都要多謝人嘅。
傳真︰2623-9278
電郵︰
[email protected]