【臨時演員爆料】想學蕭正楠台慶宣佈閃婚 馬國明有回應
蘋果日報 2020/06/15 12:03
閃婚台慶馬國明湯洛雯臨時演員
馬國明和湯洛雯的「小馬與獨角獸」之戀，得到大眾祝福，二人分別受訪談拍拖經過都講到「冧滋滋」，靚湯更希望與馬明一生一世。《蘋果》今日收到一名自稱是臨時演員爆料，指自己無意間聽到馬國明想學蕭正楠一樣，在台慶時宣佈閃婚。
馬國明最近忙於拍攝新劇《BB大晒》，同劇演員還有岑麗香、吳岱融、張頴康、陳自瑤等，該名臨時演員提供一張3月31日晚上10時《BB大晒》的開工紙，證明自己身份。當時馬國明仍未公開與湯洛雯的情侶關係，但卻無意間與其他演員提及希望公佈結婚的方式，該名臨時演員說：「當時我哋喺個景後面，聽到啲聽唔到啲，但睇新聞後就知佢係講緊結婚，佢話自己拍緊拖唔怕有狗仔隊跟，但就想學蕭正楠咁樣閃婚，同埋喺台慶時公佈消息，我開工時真係聽到啲咁嘅嘢，有圖為證真係開過工，可以當面對質。」
馬國明今日接受傳媒訪問時卻否認：「冇d咁嘅事喎……」他曾指自己「年紀唔細」，問到有沒有計劃結婚？他說：「真係冇咁快……未有呢個話題。」由於馬明和湯洛雯突然高調認愛，外界都有好多傳聞，另有指湯洛雯着鬆身衫開工，孕味濃，但二人卻齊聲否認。
臨時演員提供當日有份開工的證明。（受訪人提供）
爆料人稱馬國明向其他演員透露自己想在台慶宣佈閃婚。（FB圖片）
馬國明最近忙於拍攝《BB大晒》。（資料圖片）
臨記爆料，指馬明有意學蕭正楠一樣，宣佈閃婚。（資料圖片）
蕭正楠在2018年台慶夜宣佈與黃翠如婚訊。（資料圖片）