【本報訊】警方西九龍總區重案組昨日接手《左麟右李》(譚詠麟、李克勤)經理人張國忠遇襲案,並聯同反黑組展開調查,警方表示,暫時未有任何人被捕或被帶署問話。
可能涉娛圈糾紛
消息稱,警方估計張國忠遇襲的原因,可能涉及娛樂圈內糾紛,或得罪黑幫人士。而今次事件,兇徒的動機似欲對事主作出懲戒。至於受傷的張國忠,則一直向警方表示,不知道及不清楚遇襲原因。
張國忠好友兼拍檔陳達叔(Ba叔),昨天接受記者電話訪問時說:「國忠𠵱家唔會返屋企住,佢會去朋友屋企或者酒店住,費事俾人騷擾。𠵱家國忠精神都好好,我噚晚先同阿倫去探過佢,克勤、劉德華同余文樂都分別打過電話慰問佢。今次國忠件事已經交咗畀西九龍重案組查。」
譚詠麟:認錯人
歌星譚詠麟昨晚在出席有線電視活動時說:「我噚晚同國忠食消夜,佢冇嘢,佢隻手擦損咗,心口𠝹損咗,唔嚴重嘅,我諗係普通打劫,聽講話縫咗十幾針,cutter(𠝹刀)有幾乜呀?佢係第一次遇襲,之前只試過開演唱會前有人話放炸彈,但之後都冇嘢,國忠出名係大好人,佢只會幫人,從來唔會惹事生非,所以唔係尋仇,唔排除有人認錯人。」問到是否有人眼紅「左麟右李演唱會」賣個滿堂紅而起?譚詠麟說:「唔會,現時娛樂圈係最團結嘅時候。」
該宗襲擊案發生於前日下午三時,張國忠在紅磡民樂街「藝能娛樂」辦公室樓下遭兩名蒙面男子用𠝹刀襲擊,胸及手肘受傷。