當年今日
關於我們
【阿叻淆底?】 晏晝仲預告明日上《晴朗》會網民 依家突然取消
蘋果日報 2013/11/18 06:00
阿叻今日下午仲事先張揚聽日會上《晴朗》,仲呼籲網民現身同佢電話對話,點知剛才商台突然宣佈阿叻唔會上去。
原本阿叻陳百祥表示會於明早9時接受商台《在晴朗的一天出發》訪問,同網民直接對話。當時阿叻係出席台慶拜神活動,當得悉有無綫收到五個關於其挑機宣言之投訴後,阿叻就話:「咁少!唔係啩!好冇面。如果鍾意就聽朝九點打嚟商台同我直接對話,如果真係有呢個網民!」
言猶在耳,頭先商台突然通知傳媒,指阿叻明日嘅訪問取消,但未有講明原因。據悉阿叻係致電商台取消訪問,原因未明。