英國經典Britpop樂隊Blur明晚喺灣仔會展開騷,成員已抵港準備。
晚上七點半,Blur結他手GrahamCoxon現身一間酒店,單拖落咗屬於該酒店嘅酒吧,其間有個女fans表現得太熱情,衝埋入去酒吧嗌嘢飲,兼同Graham傾偈,而女fans仲拎咗疊嘢畀佢簽名,及後鼓手Dave亦蒲頭飲嘢,仲繼續同該女粉絲傾偈,唔講以為佢哋係朋友添。
至晚上8點,Blur主音DamonAlbarn同女兒現身酒店,幾名守候粉絲一擁而上要求簽名,Damon來者不拒,並逐個簽名,其佢示意女兒先上的士,原來兩父女外出晚膳。