林家棟監製的電影《殺出個黃昏》日前正式開拍，今次除了找來賈曉晨、顏子菲、李燦琛和何雁詩等年青演員外，還邀請了謝賢、BoBo姐馮寶寶和林雪演出，雖然BoBo姐在今年7月與大仔招啟宗去泰國曼谷旅行時遇到交通意外，鼻骨被撞歪，需要入院接受矯正手術，其後在當地休養三星期才返回大馬檳城屋企，經過一個月的休養後，她已經完全痊癒，當日BoBo姐的狀態十分好，見到老拍檔謝賢後，他們隨即來個熱情擁抱，還不時互相鼓勵，BoBo姐說：「我聽到係同四哥合作，即刻喺馬拉飛返嚟囉，佢真係似我大哥哥㗎，同四哥真係相逢恨晚。」四哥再説：「Bobo喺我眼中永遠係一個小妹妹，雖然係舊拍檔，但係我期望有新火花，等我帶佢帶返啲青春返嚟！」

擔任男主角的四哥，談到今次的演出，他笑說：「其實我仲有一個任務，就係帶啲新人，拍戲就拍得多，同咁多o靚仔拍都係第一次，家棟又話要我變，又唔畀我側起個頭，咪睇佢有咩把砲囉！今次同阿雪演對手戲，叫佢放我一馬啦！」相比之下林雪表示相當輕鬆：「我都係嚟跟四哥同Bobo姐學嘢，不過今次好難得我有條感情線，希望畀觀眾睇吓咩叫大叔的浪漫！」家棟亦說：「今次四哥、Bobo姐同阿雪，好有突破，好主動提出想法，我覺得係新人學嘢嘅好機會。」《殺》片故事講述謝賢、馮寶寶、林雪三人50年代曾是聞風喪膽的殺手組織，無奈時代蛻變，三人卻不敵年紀漸長，從此各自過着平凡的生活。
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港