好多人話「休息是為了走更長的路」，但係被醉駕同埋偷食醜聞纏身嘅朗尼就選擇唔休息，似乎仲想繼續返工。英國《天空體育》話，朗尼從未有向愛華頓請假，而未來亦都冇呢個打算。之前有報道話高蓮曾經要求朗尼請假，以處理近排嘅風波，但似乎朗尼冇呢個打算。

朗尼上場聯賽都有為拖肥主場上陣迎戰熱刺，但佢成場波都冇咩表現，最尾仲俾客隊炒三粒。其實朗尼依家咁心煩，休息的確係好事嚟，勉強上陣最尾咪又係影響表現，倒不如放假輕鬆一下仲好。