江若琳同朱慧敏今日喺鑽石山出席台灣農村美食節，江若琳話男友嘅生煎包生意有意向外地發展，不過自己唔係做生意嘅材料，所以都幫唔到啲乜：「由細到大都俾人呃錢，成日遇人不淑，經常買啲物件話可以祈褔，試過幾千元買條手鏈話去衰氣，點知老竇話係膠黎既，所以啲錢交俾阿媽管。」

另外，朱慧敏表示早前皈依，兼守五戒（殺生、妄語、飲酒、偷盜、姦淫），佢嘅舊愛EO2嘅Eddie彭懷安都曾犯戒條，佢表示：「佢同我同一日皈依，同一日守五戒，o依家大家都好開心好感動。」咁開心，有冇打算復合？佢話：「o依家都幾好，一切順其自然，慢慢打好基礎先。」