當年今日
關於我們

明哥對式芝出席反平權活動 感奇怪

蘋果日報 2013/01/15 06:00


日前親建制宗教團體動員造勢,喺政總舉行反對「性傾向歧視條例立法」(即係反同志平權),趙式芝母親姚煒亦有出席仲上台發言;在支持同志平權嘅式芝都有去,仲同媽咪喺台上擁抱。

黃耀明噚晚去尖沙嘴出席首映,提到呢件事,佢話有睇過報道,仲話:「喺舞台上好怪,贊成同反對嘅人都可以擁抱當然好,趙式芝做咗好姿勢,佢好想立法,但因為愛媽咪,所以去擁抱佢媽咪。我唔知佢媽咪立場,但嗰度係反對台(反對同志平權),佢出席都係為媽咪而去。」

明哥坦言佢哋嘅同志行動才剛剛開始,想人明白立法是甚麼一回事,更希望特首梁振英在即將發表的施政報告會提及,展開資詢或立法。