【新增影片】
超級颱風艾瑪侵襲美屬維爾京群島，喺果度長大嘅前馬刺前鋒鄧肯（Tim Duncan）當然無就手旁觀。早前已經報道過TD唔單自己捐錢同幫手籌款，佢更加係親力親為。TD為咗籌款賑災特登開咗一個專用嘅Twitter帳戶，佢喺禮拜五發推文，話啱啱發放咗20,000磅食物畀災民，同時間仲已經喺另一架載滿食品同埋藥物嘅飛機完成卸貨，仲話希望之後可以做得再多啲。

更加難得嘅係，可以喺Twitter見到TD唔單止派食物畀災民，同佢哋寒暄幾句，直頭親手卸貨同埋執好啲賑災物品，有咁嘅心腸實在係非常難得。