長期留守金鐘佔領區嘅何韻詩，近來都少咗出席公開活動，就連幾個樂壇頒獎禮記者會都缺席，而《2014年度叱咤樂壇流行榜頒獎典禮》將於2015年1月1日舉行，由阿詩﹑黃耀明﹑葉德嫻等群星合唱嘅《撐起雨傘》，成功入圍「叱咤我最喜愛的歌曲」最後20強。

阿詩今日喺facebook留言表示，呢幾年佢已經唔熱衷任何頒獎禮，亦都好耐冇做過拉票嘅事，不過就話突然有個感觸，佢好希望香港人可以喺明年1月1日，聽到呢首紀錄咗2014年，一班年輕人喺雨傘運動中付出過嘅汗水及意志歌曲，阿詩更表示破例拉票：「希望大家投《撐起雨傘》一票。」

唔少網民及粉絲都紛紛響應，並期待阿詩﹑明哥及葉德嫻當晚能站在叱咤頒獎台合唱此歌。

大家投咗票未？