【最新圖片】回應盜竊案「冇嘢講」 吳綺莉現身銅鑼灣飲茶
吳綺莉閉門失竊卓林
吳綺莉同阿女卓林嘅母女感情再受衝擊,吳綺莉前晚忽然報警,聲稱位於跑馬地的寓所閉門失竊,遺失一批衣物、兩隻價值約7萬元的戒指、兩支約值10萬元的結他,經警員初步點算後,案件暫列盜竊,交由灣仔警區刑事調查隊跟進,暫未有人被捕。其後卓林同女友Andi出街嗰陣,直認有返屋企「拎嘢」,唔明點解阿媽會報警!(新聞連結: http://bit.ly/2yVXqVf )
事件曝光後,吳綺莉同卓林兩母女分別喺傍晚現身去買雪條,不過佢哋都未有再回應事件。
今朝一早,大批傳媒分別喺吳綺莉喺跑馬地嘅屋企,同埋卓林喺鰂魚涌嘅屋企門口等候,但係暫時都唔見佢哋嘅蹤影。《蘋果》今日亦都有搵過吳綺莉了解,佢透過WhatsApp回覆話:「唔好意思,冇嘢喇,冇嘢喇,但係我真係冇嘢講!」
大約在1:45分左右,吳綺莉現身離開寓所,揸車去咗跑馬地嘅銀行,大約逗留咗10分鐘左右就走咗,問到佢有冇同卓林聯絡,佢話:「呢啲嘢唔講嘞,唔該晒大家!」之後佢就揸車返咗屋企。
到3點左右,吳綺莉再出動,車去銅鑼灣接載一友人,之後去咗銅鑼灣廣場二期附近一間西餐廳食嘢,坐到6點半散band,吳綺莉獨自離開,再攞車返家。
更多娛聞,喺晒《娛果》
http://fb.com/appledailyent