當年今日
關於我們

【短片】【獨家有片】九龍城嘆完麵白只顏卓靈熱戀拖手行公園攬啜斷正

蘋果日報 2016/06/26 06:00

蘋果香港即時顏卓靈白只白靈戀

36歲嘅白只同22歲嘅顏卓靈,佢哋兩個年紀相差14年,唯一嘅共通點就係都係影壇新星。顏卓靈2013年憑《狂舞派》彈起,而白只就喺上年嘅《踏血尋梅》上位,兩位當紅演員又點會冇機會合作呢!

佢哋一個個樣麻到不得了,一個sweet到爆炸,真係估唔到佢哋會戲假情真,噚日讀者李小姐透過《蘋果》嘅「爆相爆料」提供咗張白只同顏卓靈拍拖食麵相,可能你會話兩個撐枱腳啫,都係大家食自己碗麵!

咁你就錯喇,因為李小姐接受電話訪問時透露今個月16日凌晨12點左右,見到白只同顏卓靈喺九龍城出名麵舖黃明記撐枱腳,李小姐話﹕「全程得佢哋兩個人,有講有笑。」食飽飽之後,佢哋兩個人就拖住手行去附近嘅九龍寨城公園,李小姐話﹕「因為當時好夜冇人,見佢哋有kiss,係女仔主動,但走時就前後腳分開上車。」係冇錯!唔止kiss咁簡易,仲要係激吻!咀到天荒地老咁樣!

又拖手、錫錫,法官大人證據十足,今次「白靈戀」真係唔到你唔認都唔得……