剛周五（28日）朋友飯局，有兩個賽馬話題，首先最近熱到一般散戶，見到賠率賭唔落的全熱門依然很多。

就像剛周三「牛精大哥」連續搏了幾次跑P，傳統賭仔心態，這類易位難贏馬，熱得滯一定博佢輸好過，但最終一度廿蚊唔夠！

同晚「長長友」配潘頓爭連捷，埋門持續落飛得21蚊！當然，還未夠早前處女馬「燈胆精英」配陳嘉熙得16蚊咁誇張！

就此席間有朋友即時爆了一句「呢啲馬正常人點會賭」？如何應對不是「人」賭的電算機，係時候值得大家去想去學。

相反，席間爭拗究竟蔡約翰定大摩最終成為今季冠軍，就容易處理及快有答案得多，馬季得番五次賽事蔡約翰仍領先六W，後日（7月1日）大摩未能收窄差距的話，應該都追唔切，相信這條數大摩同樣識計！

第五場「好運」上仗初跑泥地一哩起步論盡輸條馬頸，今次潘頓再騎應該補中。第九場三班2000米大摩叫三飛，其中「勁揪」近三戰非冠即亞而指數不斷破頂，值得睇高一線。
-----------------------------
7月4日起 《蘋果動新聞》只限升級壹會員閱覽
繼續撐蘋果！