秦煌撐枴杖復工 遵醫囑不能再跌倒
蘋果日報 2021/03/15 18:16
秦煌周百通
（電視截圖）
現年73歲秦煌去年11月返大台開工時，不慎跌倒，由保安召喚救護車將他送院，其後證實右邊膊頭位骨裂，他遵醫囑待骨裂部份自然癒合。經幾個月的休息，秦煌終於復工，他接受大台訪問時表示自己未算完全康復，但他的精神不錯，談笑風生。
略見清減一點的秦煌在鏡頭前表示：「精神咗好多，但未係十分……畀啲時間我唞一唞，我諗都要半個月。而家我行到㗎，揸住碌棍（枴杖）就係驚跌之嘛，醫生話千祈唔好跌，跌真係大鑊！」
減食量輕20磅
去年出事時體重近280磅的秦煌，被問到醫生有無叮囑他要戒口，秦煌肯定地表示：「冇！醫生話冇。但係我就反而好多唔鍾意食嘅嘢，以前鍾意食嘅嘢，而家食少啲。」他更反問主持人自己是否瘦了，他笑言：「瘦又唔可以瘦幾廿磅喎，哈哈！（之前唔係話你要減磅咩？）減咗㗎喇，瘦咗幾廿磅，（咁而家幾多磅？）唔知呀，但維持現有磅數就得，冇磅過。（你點知自己合格？）因為度腰圍，就知道自己瘦咗。」
由於武漢肺炎疫情未平息的關係，秦煌未能返深圳家中居住，要長住酒店，但他表示幸好2名女兒輪流探望，又會送食物給他。
秦煌跌倒後復工，精神看起來不錯。（電視截圖）
秦煌手持枴杖，他表示是作輔助步行，避免再跌倒。（電視截圖）
秦煌去年在電視城門口跌倒，由保安召喚救護車送院。
秦煌上救護車時仍不忘向傳媒揮手示意，派定心丸給大家。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！