呢排老董喺競選辦日日見人，每日都有一大班人喺競選辦出出入入，好似日前咁，八方就喺特首見功能組別立法會議員時，竟然撞見直選議員黃宏發出現。
問起發叔點解喺功能組別時間見老董？佢話因為咁啱在直選組別見老董的時間有事要做，所以要改為喺功能組別時段見。
不過，發叔都好有幽默感，佢話見到老董時，同老董講其實佢都有兩項「功能」，所以喺功能組別時段見佢都不為過，究竟發叔佢老人家有乜功能咁巴閉？
咪就係食煙同飲紅酒囉！咁又係，如果有呢兩個界別，以發叔嘅「專業知識」，肯定夠晒資格參選！
所以有時唔可以一部通書睇到老，社會咁大，人人均有功能，不應妄自菲薄。


E-mail：[email protected]