韓國組合Super Junior成員崔始源上月退伍，之後佢已立即投入工作，並孖韓劇《未生》女星姜素拉主演tvN新劇《卞赫的愛情》，而新劇亦落實將於下月14日首播。

新劇講述失業嘅財閥三世卞赫（崔始源飾）係個天生樂觀嘅浪漫主義者，被白準（姜素拉飾）收留後，二人嘅人生發生巨大變化。

另外，姜素拉本來今日係要出席品牌活動，不過有傳因為食物中毒而缺席，隨後姜素拉所屬事務所表示姜素拉因為身體不適而休息中，而且要暫停拍攝工作。