英國影后琦溫斯莉（KateWinslet）噚日正式踏入4字頭，40歲生日，通常女人年紀越大就越唔想話俾人知佢幾多歲生日，不過相當有自信嘅琦姐喺紐約一間酒店行出嚟嗰陣，一見到記者就好興奮咁揮手，又舉起兩隻手做4及0嘅手勢，唔怕話俾人知佢幾多歲。其實生過三子女嘅琦姐都keep得唔錯，佢早前出席多倫多電影節時穿緊身晚裝，展示曲線美。