台灣金曲歌王蕭敬騰（老蕭）牛高馬大，其實佢經常受傷，先係佢5月底去打波時整親左手，但為咗唔好影響佢喺演唱會上嘅打鼓騷同鋼琴獨奏表演，堅持唔去睇醫生，其後到6月佢參加埋hito頒獎典禮，先至肯去睇醫生，證實其左手尾指有骨裂（新聞連結： https://bit.ly/2C8qOdG ）。

好喇，「好返」有幾耐呢？老蕭又整親喇！老蕭經理人Summer證實消息，話係老蕭噚晚趁空去打波，相信同台北連日落大雨有關，戶外場地濕滑，老蕭又傷，仲係左手舊患，同上次一樣。受傷嗰一刻現場搵唔到繃帶，老蕭同行友人立即去買，不過老蕭一句「不用」，就否決咗友人嘅提議，佢自己休息咗一樣，就返咗屋企休息。至於一張屬於老蕭專用、特別留俾隊友女友坐嘅小木凳仍然留喺現場。

Summer向台灣《蘋果》透露，老蕭喺晚上9點到球場，經常打到凌晨先願返家，但噚晚11點幾已經返咗屋企，若非受傷，一定唔會咁早走。對於老蕭又受傷，Summer坦言心痛，亦指方平時愛跑跑跳跳，膝蓋亦有唔少舊傷，不過，由於打波係老蕭嘅最大興趣，所以Summer亦唔可以多嘴講啲咩。而有老蕭忠心fans向台灣《蘋果》表示：「每次老蕭受傷，就像椎心之痛一樣難受。」希望老蕭為咗自己同愛錫佢嘅人，多多保重啦。

精選娛聞，喺晒《娛果》
http://fb.com/appledailyent