【派發50萬口罩】大劉援助抗癌醫療費 李明蔚感激可減輕家人負擔
蘋果日報 2020/03/09 20:03
大劉甘比李明蔚
（互聯網圖片）
武漢肺炎肆虐下，特區政府不作為，香港人都是抱住自救心態，有良心藥房派口罩，有富豪的慈善基金不惜高出市價從外國訂口罩回港派發給有需要人士，昨日甘比在社交平台最新公佈已派發了50萬口罩及10萬支消毒洗手液。其實大劉的慈善基金是全方位幫助香港有需要人士，聽說最近他都有幫過2012年時發現罹患罕見的腺樣囊性癌的30歲歌手李明蔚,在醫療費方面有提供協助。
今日蘋果向甘比求證是否有幫助抗癌歌手李明蔚，她表示：「係！我同老公心態都係幫到咪盡量幫囉！呢啲獨立個案我哋依家手頭上起碼幫緊成千個，連有家人死咗無錢葬，向我哋求助，我哋都有捐錢。好似最近武漢肺炎好多人買唔到口罩，老公就吩咐我快啲訂口罩返嚟派俾啲老人家，佢睇報紙見到有可憐個案就會出聲。」
李明蔚最近是與癌魔搏鬥中，今日問她大劉的慈善基金是否一直在幫助她，李明蔚回覆說：「之後有幫過呀！其實我都無諗過佢地會幫我，所以真係好感謝佢哋！好衷心感激佢地熱心幫助，因為睇醫生開支好大，好感動！幫助我同我家人減輕咗負擔！」問到近期狀況？她說：「係食標靶藥，食咗2個月，副作用令我貧血，同有輕微甩頭髮！所以一直keep住驗血。」
---------------------------------
大劉和甘比平時出街都一定戴口罩。（互聯網圖片）
李明蔚生病後，現時都是由爸爸照顧。（互聯網圖片）
大劉的慈善基金最近不斷捐增口罩給有需要人士。 （互聯網圖片）