【本報訊】市區重建局06年展開深水埗海壇街/桂林街及北河街重建項目，業主遷出限期陸續屆滿，至今仍有8戶拒絕遷出。其中住戶蕭太一直未能與市建局就賠償方案達成共識，而單位遷出限期昨屆滿，她不滿局方賠償，將留守到最後一刻，抗議暴力清場，「我點都唔會走，佢哋要抬就抬我走！」

稱收購價不足同區置業

蕭太居於桂林街一個約200呎的單位，市建局收購價約170萬元，但金額不足以在同區置業，「佢哋一直只係遊花園，冇誠意同我哋傾，只係叫我哋快啲交樓，呢個價（收購價）同區廿年樓都買唔到，我一個小市民點負擔？」
她舉例指，同區一個樓齡22年、200多呎的單位，售價達300萬元，「我淨係想安居樂業，但佢哋攞你間屋之後就起豪宅，賠償又唔合理，係咪要逼到我跳樓」。她要求市建局妥善賠償或原區安置。
數名深水埗街坊及團體昨早在重建項目內拉起橫額聲援，抗議市建局強行收樓，並決定留守，誓死保衞家園。市建局發言人表示，是根據法庭頒令，計劃收回有關物業，會繼續和住戶商討搬遷安排。