聖誕特別篇嘅名叫做《Olaf's Frozen Adventure》,主要係講雪人小白(Olaf)嘅冒險故事。原來愛莎公主同安娜(Anna)公主因為細細個父母就過咗身,令兩姐妹都未試過過聖誕節。可愛又體貼嘅小白有見及此,就四出到訪唔同嘅家庭,睇下人哋過聖誕節有乜傳統,從而帶返嚟同兩位公主慶祝。過程中笑料百出,試過成架車著火,又試過換咗個鼻做士的糖。最後兩位公主見到小白咁用心,都覺得好開心,愛莎公主仲用魔法變出冰雪聖誕樹添!呢段短片將會隨年尾上映嘅彼思動畫(Pixar)《CoCo》播出,仲會有4首新歌喺入面,到時就唔使再唱《Let it go》喇!